منائیو میرا ڈھولا
مُکائیو میرا رولا
سُچیندا کائی نئیں
منیندا کائی نئیں
اوہ کملا بھولا
مُکائیو میرا رولا
اُجاڑی ویندائے
تے ساڑی ویندائے
ہجر دا جھولا
مُکائیو میرا رولا
اُوہدے وَل جاوو
تے ایہہ سمجھاوو
نہ لاہے میرا اوہلا
مُکائیو میرا رولا
وچھوڑے بھُنی آں
تے اتنڑاں رُنی آں
ہے سِج گیا چولا
مُکائیو میرا رولا
اوہ درد منیوے
تے راضی تھیوے
میں جِند کراں گھولا
مُکائیو میرا رولا
No comments:
Post a Comment