پنجابی دوہڑے: Mahar Nazeer

Showing posts with label Mahar Nazeer. Show all posts

Thursday, 9 March 2023

میری حاتم وانگ فراغ طبیعت توهاڈی غرض دا واحد علاج هائی

خودغرضیاں دے بازار دے وچ سنگتاں جئی جنس نیلام ہو گئی

مایوسیاں وچ مشہور ہو کے میری غربت سیئت امام ہو گئی

اسے دکھ توں نیندر اکھیاں دی ساڈے کانڑ نظیر حرام ہو گئی

ہویا ٹرنڑ دے لائق تاں کول اپنڑیں موڈھے نال بہایا ٹھپ کے

اج اؤا بندہ ضداں نال نظیر دے لیندائے حد شرم حیا دی ٹپ کے

ودا ہنڑ پچھتانداں ہتھ اپنڑیں جداں خود دے بیٹھاں کپ کے

تیری نیت دے رخ تبدیل پئے ھوندن ایڈے اسیں وی کوئی ناں انیں

میرے بھرم وسیب اچ کوئی نؤں راھنڑیں جے توئیں مڈھ نکھڑنڑ دے بنیں

مینوں بھار نذیر شریک دا کوئی نئیں جے میری توں بندہ ٹیک نہ بھنیں