ویکھ ہاں کل کیہ سی تے آج کیہ ایں ایس گل نوں رکھ دھیان اندر

ویکھ ہاں کل کیہ سی تے آج کیہ ایں ایس گل نوں رکھ دھیان اندر

جتھے شاہ وجود دا تحت تردا الو بولنے اوس مکان اندر

سودے حسن والے جتھے تل دے نیں کھڈاں پینیاں اوس دوکان اندر

ایویں آکڑاں کریں ♡قصور وندا♡سدا رہنا نیں ایس جہان اندر

چکے ہوئے تیرے حسن نوں ہر پتا ہر ڈالی،کوئی نیں خالی

چکے ہوئے تیرے حسن نوں ہر پتا ہر ڈالی،کوئی نیں خالی
جھومن آکھن خیر پائی توں در تے آئے سوالی ،توں ساڈا والی
عشق محبت اوکھا پینڈا نئیں اے گل سکھا لی ،مت دکھالی
♡قصور وندا♡قصوریایں توں کتھے عشق بلا لی ،گلاں خالی

حسن سجن دا رہزن یارو ،صبرتحمل کھوئے نہ دل کھلوئے

حسن سجن دا رہزن یارو ،صبرتحمل کھوئے نہ دل کھلوئے
جاگے نین تے ویکھ نیناں تھیں بھر کے نیند نہ سوئے اٹھ کھلوئے
چھم چھم پانی شک نہ جسنی میل دلاں دی توں دھوئے جد نین روئے
♡قصور وندا♡عشق باہجوں دنیا وچ جو موئے سمجھ نیں ہوئے

جتھے ونڈ ویہار نہ ہووے اوتھے نال غرض دے جائیے نہ لنگ لوائیے

جتھے ونڈ ویہار نہ ہووے اوتھے نال غرض دے جائیے نہ لنگ لوائیے
مطلب غرض دی خاطر سجنو نہ کوئی یار بنائیے نہ قسماں چائیے
راہ وچ چھڈ کے نسیے نہ بھار جیدا وی اٹھائیے تے توڑ پہنچائیے
♡قصور وند♡قول اصیلاں دااے جس دے نال وی لائیے توڑ نبھائیے

سادا سچ انصاف جے تولنا ای نہ رکھی پاس طمع تکڑی دا

سادا سچ انصاف جے تولنا ای نہ رکھی پاس طمع تکڑی دا

تیرے شوق ایمان دی فصل اتے رعب کار پھردا جالا مکڑی دا

کھلا سک جا صدق دی بنی اتے ہو جا انج جیویں ڈھانچا لکڑی دا

منگی فضل نہ کریں مان قصوروندا اجڑ کھیت جاندا ای فصل پکڑی دا

تک دیا بدن نوں اگ لگی سینا تپ کے وانگ تندور ہویا

تک دیا بدن نوں اگ لگی سینا تپ کے وانگ تندور ہویا

شیشہ لیا سی منہ یار دا ویکھنے نوں اووی ڈگ زمین تے چور ہویا

یار بنایا سی ہسنے او کھیڈنے نوں اووی تکنوں مجبور ہویا

ایتھے لکھ  قصوروندا ساڈے دوواں وچوں کدا قصور ہویا