کنی سنڑیائے اکثر بندیاں توں سجنڑاں نوں نیچ سدیندن

کنی سنڑیائے اکثر بندیاں توں سجنڑاں نوں نیچ سدیندن

کئیں کتیاں نال رلا باہندن بہوں گرے ہوئے لفظ بولیندن

ہک جملہ فقط انہاں واسطے جیہڑے خود نوں شیر سدیندن

راٹھاں کدی نئیں عیب "یاسین" گنڑائے کمی لونڑ پلیت کریندن

ہے صاف بیان قرآن دے وچ ہوندی موت تو سخت اوڈیک اے بالکل ٹھیک اے

ہے صاف بیان قرآن دے وچ ہوندی موت تو سخت اوڈیک اے بالکل ٹھیک اے

اوہو رات گزردی اے سولی تے جہیڑی دسنڑ چا یار تاریخ اے بالکل ٹھیک اے

دیہنہ لاہندن اکثر کھاڑیاں تے اوتوں ہسدن مفت شریک اے بالکل ٹھیک اے

یاسین سجنڑ جداں کوڑ کرن اوداں ہوندی موت نزدیک اے بالکل ٹھیک اے

کاسہ نپ کے تیرے در تے آئے ہاں دے پیار دی تھوڑی جیہی بھیک اے

ھتھ پھڑ کے نال رقیب نہ ٹُر ساڈے پیار نوں لا نئیں لیک اے

تینوں وانگ نمازیاں پاک منیندے آں بھانویں ٹردا ایں شہر اچ پی کے

توں جھوٹ تے جھوٹ بولیندا وتدایں اسی آہدے آں بالکل ٹھیک اے 

یومِ مسرت ہے مسلماناں دا دو واری سال اچ آوے

یومِ مسرت ہے مسلماناں دا دو واری سال اچ آوے

کل سجنڑ سواہو کول ہو ون اللہ ھر دی عید مناوے

جہیڑا اکثر روندا رت رہندا جینوں کوٸ نا آ پرچاوے

اودی عید یسین قطعاً نہٸ ھوندی جینوں چن وی نظر نہ آ وے

جیہڑی چن تصویر پئے دیندے او کی خیال اے درد ونڈیسی

جیہڑی چن تصویر پئے دیندے او کی خیال اے درد ونڈیسی

ایہنوں کول سنبھال کے رکھ دلبر تیتھوں ودھ کے ڈھیر ستیسی

تیری منت کریوے تے توں رس پوناں ایہہ رس گئ کونڑ منیسی

تصویر جو ہے متاں نہ بولے شوہدا مر یسین نہ ویسی

کائنات توں پیارا چن ماہی میرے ساہ ساہ دا مختار ایں

کائنات توں پیارا چن ماہی میرے ساہ ساہ دا مختار ایں

تیرے نال اے زندگی بیکس دی میری غربت دا لجدار ایں

یزید تیرا کجھ لگدا ہا تے شمر دا رشتے دار ایں

یاسین دیاں کر کے چٹیاں رڑیاں تے نویں سانگیاں کانڑ تیار ایں

پانڑیں بھوئیں پیتے

بنڑ کے ساڈا تے رڑے دکھیاں دے توئیں کیتے 

کیوں لڑناں ایں نال غریباں دے نہ حوصلے تروڑ ملنگ دے

کیوں لڑناں ایں نال غریباں دے نہ حوصلے تروڑ ملنگ دے

بهیڑیا ہستی ویکھ کے دشمنڑ دی اعلان کریندن جنگ دے

انصاف تاں کر امداد نہ کر اساں کجھ نہ تیتهوں منگدے

یاسین مریض ہیئ ہجر تیرے دا مینوں سیک نہ دے ڈنگ ڈنگ دے

بےدرد تیری بےتکیاں دے ودے ھُنڑ مسکین نوں پک لگدن

بےدرد تیری بےتکیاں دے ودے ھُنڑ مسکین نوں پک لگدن

اجے اگلے زخم اُتھائیں ھوندن طوفان الم دے ٹھک لگدن

ہنڑ سچ بولو یا کوڑ کرو تہاڈے ھر پیغام تے شک لگدن

یاسین تاں تہاڈا کجھ نہی لگدا اے غیر تیرے بےشک لگدن

مثال وی کائی نئیں کوئی تخت چھوڑے کسے خاک نشین دی خاط

مثال وی کائی نئیں کوئی تخت چھوڑے کسے خاک نشین دی خاطر

تے کوئی مالک خوشیاں ہاسیاں دا رووے کیں غمگین دی خاطر

کیڈا کملا ایں سینوں عمر ونجائی ہئی ہک خواب حسین دی خاطر

تے کل سجنڑ جہان دے کونڑ چھوڑے ہک توئیں یسین دی خاطر

اتفاق نائی بنڑدے نت سنگتاں دے ناں روز بروز دا کم اے

اتفاق نائی بنڑدے نت سنگتاں دے ناں روز بروز دا کم اے

گو چھوڑ گیا جتھے لوڑ ہووی ساڈا اج وی حاضر دم اے

چنگی سنگت تے لگدی اے قسم خدا دی پوری زندگئ کم از کم اے

بھیڑی سنگت دے گھاٹے یاسین تجربہ اے نائی ہوندے موت تو کم اے

میتھوں درد نہ پچھ ہمرازاں دے غم عاشقی دے ارمان نہ پچھ

میتھوں درد نہ پچھ ہمرازاں دے غم عاشقی دے ارمان نہ پچھ

آ موت ویسی توئیں،دلبر نوں میتھوں اُلفت دے نُقصان نہ پُچھ

میرے عین زوال تے اُجڑن دے جویں چن کیئتن اعلان نہ پُچھ

یاسین بیان دے قابل نہی میتھوں آجکل دی گزران نہ پُچھ

نئیں ظلم کریندے اجڑ گیاں تے نئیں ہینڑیاں نال لڑیند

نئیں ظلم کریندے اجڑ گیاں تے نئیں ہینڑیاں نال لڑیندا

کسے حد تک روسے جائز ھوندن انج تھاں نئیں مار گھتیندا

ھوندا ریت دی مٹھ دل دکھیاں دا نئیں جھنڑکاں نال ڈھیہندا

یاسین خلوص دے بھکیاں تے نئیں نت ناراض راہیندا

ہاوں آپ تاں یار نوں عرش تے ملیا لایا کل معراج تے وس

ہاوں آپ تاں یار نوں عرش تے ملیا لایا کل معراج تے وس اے

ناں کر کے معض رقیباں دا مینوں آپ چا لای ہی کس اے 

جس دنہہ دا کھس میتھوں پیار لیای لگی گئی زندگی دی چس اے

توں جانڑ تے تیریاں عیداں جانڑن یا رب یاسین دی بس اے

میں غریب اُلقسمت بے وارث خوش بخت نہ سہی انسان تاں ہا

میں غریب اُلقسمت بے وارث خوش بخت نہ سہی انسان تاں ہاں

ھووی وطن نصیب وطن دا مالک تیرے وطن تے میں مہمان تاں ہاں

اے شاہ سُکھ چین دی دنیا دا میں دکھیاں دا سلطان تاں ہاں

تے چلو ہتھ یاسین دا نئ پوندا تیرے ناں توں نت قربان تاں ہاں

بندے بھج کے قسماں چا لیندن خوش ہوندن قسماں چا

بندے بھج کے قسماں چا لیندن خوش ہوندن قسماں چاون تے

پر پیچ سفر ہن الفت دے گھر لگدن توڑ نبھاون تے

جداں درد چوگردوں ویہڑ ونجنڑ ترجیح دیندن ٹھکراون تے

یاسین اے ریت حسیناں دی ڈٹ ویندن ظلم کماون تے

قربان ونجاں چن دُکھیاں دا کیوں مندڑے حال بنڑائ وتنڑا

قربان ونجاں چن دُکھیاں دا کیوں مندڑے حال بنڑائ وتنڑاں ایں

کیوں رنگ تبدیل ہئ چہرے دا تے لباس پُرانڑے پائی وتنڑاں ایں

ہو تکڑا خوشیاں وَل آؤسنڑ کیوں اتنے درد جنڑائ وتنڑاں ایں

یاسین. جو تیرا خادم اے کیوں امن آرام ونجائ وتنڑاں ایں

میں تاجر درد دی دنیاں دا بے رخیاں دا شوقین ھاں

میں تاجر درد دی دنیاں دا بے رخیاں دا شوقین ھاں

میتھوں پیار دی غلطی ھو پئی اے تاھیں ہر ویلے غمگین ھاں

میرا خلق خلوص ناکام رہیا کر بیٹھا جرم سنگین ہاں

جیندا اج تائیں کوئی نئیں سائیں بنڑیا میں او بے کس یاسین ھاں 

توڑے لکھ واری پیا وکھ ہویں میرا دم دم یاد توں وکھ نہیں

توڑے لکھ واری پیا وکھ ہویں میرا دم دم یاد توں وکھ نہیں

مسرور ودایں وچ لگدیاں دے میری مدت توں سکدی اکھ نہیں

میری اپنڑی قسمت انجے ھائ کہیں سجنڑ تے رنجگی ککھ نہیں

جیہڑی غیراں اچ عید گزاری ھیئ یاسین دا رہ گیا ککھ نہیں

چلو رب دی ذات تاں ویدھی پئ اے بےایمانی پیار اچ کیں کیتی

چلو رب دی ذات تاں ویدھی پئ اے بےایمانی پیار اچ کیں کیتی

سازش یاسین دے چھوڑ ونجنڑ دی پہلے تویں کیتی یا میں کیتی

راہسی یاد غریب نو مردیاں تائ جہڑی نال غریب دے تویں کیتی

جیویں میں کیتی ہر کیں کیتی جیویں تویں کیتی دس کیں کیتی ‏‎

بیٹھا رونداں اَپنڑی قسمت نوں توں مہندیاں لا تیرا حق بنڑدائے

بیٹھا رونداں اَپنڑی قسمت نوں توں مہندیاں لا تیرا حق بنڑدائے 

میری قسمت وچ ھِن درد الم میتھوں چوک چُھڑا تیرا حق بنڑدائے

میرے جگر دا خون وی حاضر ھیئی چن ہتھ رنگوا تیرا حق بنڑدائے

یاسین  کے لگدائے خوشیاں دا توہاں عید مَنا تیرا حق بنڑدائے

ﺍﺝ یوﻡ ﻗﺘﻞ ﺍﮮ پیاﺭ میرﮮ ﺩﺍ کئی ﺷﻐﻞ ﺭقیب کریسن

ﺍﺝ یوﻡ ﻗﺘﻞ ﺍﮮ پیاﺭ میرﮮ ﺩﺍ کئی ﺷﻐﻞ ﺭقیب کریسن

تنقید تے ﺗﺒﺼﺮﮮ میرے اجڑ ﻭنجڑ ﺩﮮ، بیہہ ڈھول تے غیر ﮐﺭﯾﺳﻦ

میرے ﺩﺭﺩ ﭘﺭﺍنے سنگتی ﮨﻥ ﺁ ﺣﺎﻝ ﻏﺮیب ﺩﺍ ﭼﯿﺳﻦ

یٰسین ﺩﮮ ﺩﺭ تے ﻣﺎﺗﻢ سہی، ﭼﻟﻮ ﺳﺠﻦ ﺗﺎﮞ عید ﮐﺭیسن