لہو ویچ کے تحفے عید الفطر دے نا لگدیاں کانڑ خرید اے

لہو ویچ کے تحفے عید الفطر دے نا لگدیاں کانڑ خرید اے

تیرے لگدے کردِن بندیاں وچ تیری غربت تے تنقید اے

تے اوناں کوئ نؤں عیدالفطر تے ملنڑا دتا صاف سنڑا بے دید اے

اگوں تیری مرضی اے رستم جھایا بھانویں ماتم کر بھانویں عید اے

اگے بہوں پیا کیتا اے مگر توہاڈے ہنڑ امن حرام نئیں کرنا

اگے بہوں پیا کیتا اے مگر توہاڈے ہنڑ امن حرام نئیں کرنا

چٹا دینہ تاں کے ہنڑ زکر توہاڈا کدی ڈھلدی شام نئیں کرنا

میں پاگل میرے جزبیاں دا جداں تو احترام نئیں کرنا

تینوں دنیا رستم مرشد من لئے میں بشر سلام نئیں کرنا

سر وارنے پوندن سنگتاں تے ایڈی سوکھی لبھدی پگ نہیں

سر وارنے پوندن سنگتاں تے ایڈی سوکھی لبھدی پگ نہیں 

ساری زندگی پہرے کیتیاں تے دے سگدے نیچ تے ٹھگ نہیں 

چنگے خون دے بیلی پڑ اچ راھندن پڑ چھوڑ کے ویندے وگ نہیں 

انجیں ملکھ نوں بھل اے رستم جھایا کن وڈھیا لڑدے ڈگ نہیں

بھانویں توں بندا لوڈ توں موڈ بنڑائیں چا سر قدمی دھرنا بنڑدائے

بھانویں توں بندا لوڈ توں موڈ بنڑائیں چا سر قدمی دھرنا بنڑدائے

تینوں ویکھ کے سجنڑ رقیب دے گھر میرا ماتم کرنا بنڑدائے

ھووئے قائم ایمان تاں رستم جھایا کچے گھڑے اتے ترنا بنڑدائے

سدے کوئی سرکار نوں اوئے کرکے میری ذات دا مرنا بنڑدائے

بُھل ویندن بَخت دے نَشیاں وِچ بَھاٸیوال زیادتی کوٸ نہی

بُھل ویندن بَخت دے نَشیاں وِچ بَھاٸیوال زیادتی کوٸ نہی

لَتاں دے کے کوہندِن کیریاں نُوں ہِمتال زیادتی کوٸ نہی

کِسے نال وی کَردے رُستَم جَھایا لَجپال زیادتی کوٸ نہی

میتھو کھو کے دِل پیا غیر نُوں دیناٸیں میرے نال زیادتی کوٸ نہی

داھ عیداں وکھریاں گزر گئیاں مڈھوں ٹکرے نئیں بھائیوال اے

داھ عیداں وکھریاں گزر گئیاں مڈھوں ٹکرے نئیں بھائیوال اے

دینہوں رستم 360 گزرے تاں بنڑدا ونج ھک سال اے

کوئی شکوہ نہی کمظرفاں تے لجپال ھوندن لجپال اے

حیراں آں (رستم) کیویں لڑ پوندن بندے عید تے بیلیاں نال اے

مینوں توئیں بندے مار کے سٹیاں ہاں اللہ پاک بچاء نئیں لیا

مینوں توئیں بندے مار کے سٹیاں ہاں اللہ پاک بچاء نئیں لیا

چوکھاں پدھ وریاماں لگدیاں دا توں وی ویکھ وکھا نئیں لیا

ایڈے تنگ حالات اچ رستم جھایا میں وی وقت نبھاء نئیں لیا

تیرا جتھوں تائی گھوڑا بجھدا ہاں توئیں سجنڑں بھجا نئیں لیا

ھتھ عقل نوں مار خدا دیا بندیاں جنگ جتی ھوئی ھرنا چاھنائیں

ھتھ عقل نوں مار خدا دیا بندیاں جنگ جتی ھوئی ھرنا چاھنائیں

جذبات اچ آکے سوھنڑی وانگوں کچے گھڑے اتے ترنا چاھنائیں

ایڈی نفرت نسل دے نوکر توں جو نبھے وقت وسرنا چاھنائیں

موئے ھوئے نوں مار کے رستم جھایا کے ثابت کرنا چاھنائیں

تیرا نکا جہیا ھاسا کیریاں دا سکھ چین تباہ کر سگدائے

تیرا نکا جہیا ھاسا کیریاں دا سکھ چین تباہ کر سگدائے

جیندے کول انبار ھن دولت دے تیری سنگت دی چاہ کر سگدائے

کوئی پاگل تیرے پیار دے وچ اوکھے اپنڑے ساہ کر سگدائے

تیرے خرچے پورے رستم جھایا کوئی وقت دا شاہ کر سگدائے

مینو دھپ منظور اے ہجراں دی نویں سنگت نو پیار دی چھاں دے

مینو دھپ منظور اے ہجراں دی نویں سنگت نو پیار دی چھاں دے

دے ملکھ نوں جوبن چیتر دا میری سک نو یار خزاں دے

اور اج ہک گل نال ایمان دے دس مینو غلط دلاسے نا دے

تیرا پہلا بیلی رستم کون آ اسے گل دا صرف نیاں دے

پتا کریں آ قاصد پُھٹ گیا دی کیہڑے رنگ اچ نبھدی پئ اے

پتا کریں آ قاصد پُھٹ گیا دی کیہڑے رنگ اچ نبھدی پئ اے

اکھ نئ پئ رجدی روون توں دل کملے ضد کر لئ اے

اور میں قاصد رستم نال تیرے نئ کرنا کوڑ قطعی اے

کیوں جو اُس لا پرواہ نو قسم خدا دی تیری شکل وی بُھل بھل گئ اے

جیڈی بھکھ تس آئ اے آپ نبھائ اے بیلی نال پابند نئ کیتے

جیڈی بھکھ تس آئ اے آپ نبھائ اے بیلی نال پابند نئ کیتے

اللّہ پاک دی ذات تے شاکر رھے آں قابو دولت مند نئ کیتے

اور ہکو مننکھ حیاتی ساری راہنا اے جو اللّه بخت بلند نئ کیتے

ایہوی پک ہا رستم آونا کئیں نئ بوہے جان کے بند نئ کیتے

اساں جو کجھ ھاں تیرے سامنڑیں ھاں تینوں آپنٹراں آپ وکھا چھڈیااے

اساں جو کجھ ھاں تیرے سامنڑیں ھاں تینوں آپنٹراں آپ وکھا چھڈیااے

سکھ بخت سکون حیاتی دا تیری شکل معصوم تے لا چھڈیااے

کوئی شک نئیں حسن دا یوسف ثانی تینوں رب دی ذات بنڑا چھڈیااے

گل مکدی اے تیریاں کالیاں اکھیاں سانوں رستم جھائیا کھا چھڈیااے

لہو ویچ کے تحفے عید الفطر دے نا لگدیاں کانڑ خرید اے

لہو ویچ کے تحفے عید الفطر دے نا لگدیاں کانڑ خرید اے

تیرے لگدے کردِن بندیاں وچ تیری غربت تے تنقید اے

تے اوناں کوئ نؤں عیدالفطر تے ملنڑا دتا صاف سنڑا بے دید اے

اگوں تیری مرضی اے رستم جھایا بھانویں ماتم کر بھانویں عید اے

وڈے لوگ ذیادتیاں کر لیندن دلا اول تاں کاوڑ پی ونج

وڈے لوگ ذیادتیاں کر لیندن دلا اول تاں کاوڑ پی ونج

میری بھج کائی نہو جے نہو راھنڑاں فٹ ھور زمین تو چی ونج

تیرے حق اچ بہتر اے رستم جھایا کیتے فیصلے توں پرتی ونج

تینوں اس ٹھگباز مناونڑا کوئی نہو اگو عید ای آپ منی ونج

توں ایڈائ رُستم ہِند نہ بنڑ لَت رکھ نہ مُلکھ دے اُتے

توں ایڈائ رُستم ہِند نہ بنڑ لَت رکھ نہ مُلکھ دے اُتے

تینوں علم اے لج دے بارڈر تے لجپال کدی نئ سُتے

اِس دل دے باغ اِچ نفرت دے بُوٹے لا نہ یار بے رُتے

بھانویں داہ داہ سال وی پِڑ پۓ مارن نئ شیر سدیندے کُتے

متاں ھک دیاں دتیاں سنھبل ونجاں دھکے دو کمزور نوں دے لے

متاں ھک دیاں دتیاں سنھبل ونجاں دھکے دو کمزور نوں دے لے

ھک خود نپ لے دوئی ڈانگ انا دی کسے چن شاہ زور نوں دے لے

ناں ویکھ مدعی دے جڑے اوئے ھتھ چھوٹاں ساریاں چور نوں دے لے

تیرا بندہ بندہ گاہک اے رستم جھایا پراں دل کسے ھور نوں دے لے

تینوں شوق جو ھوے بدمعاشیاں دے میرا سجن بندوقاں چا لے

تینوں شوق جو ھوے بدمعاشیاں دے میرا سجن بندوقاں چا لے

جہیڑے بہو پنج مار وسیب اچ ھن اوھا بے شک نال ٹرا لے

ھک جھلی جہئ گل میں رستم دی کم آوسیا ذھن اچ پالے

وڈے لوکاں نال چھیکا کے فوٹو وڈا بنڑدایں تاں چھکووا لے

مینوں کوئی نئیں تیرے ملن دا مسئلہ جھلے دل پریشان دا ہوندا اے

مینوں کوئی نئیں تیرے ملن دا مسئلہ جھلے دل پریشان دا ہوندا اے

ہر کلمہ گو انسان نوں وڈا مان ایمان دا ہوندا اے

شالا سجن ناں رستم بد ظن ہوون دل ہر انسان دا ہوندا اے

جیہڑے مندے ای نئیں اوہناں بندیاں نوں کیہڑہ بھار قرآن دا ہوندا اے

توں کیوں پردیس پسند کیتائ ساڈا سوچیا نؤں نقصان اے

توں کیوں پردیس پسند کیتائ ساڈا سوچیا نؤں نقصان اے

کوئ دل دی دس گھل پچھلیاں نوں تورڑۓ سامب رکھاں ارمان اے

اودر دۓ تھل وچ نوں پیا لبھدا مینوں تیرے جیا نگران اے

تساں ولنا ہے یا میں کر چھوڑاں لاوارسی دۓ اعلان اے