ھک حسیں حادثہ
دلربا جئ لڑائی
بے نوا حسرتاں دے
حسیں شہر وچ
بزم نفرت تے رسوائی
دے درمیاں
بہہ کے پیتی محبت
ملا زھر وچ
ول حیاتی دے سورج
دی شام ھو گئ
ہنجوں لکھی نظم
اوندا عنوان ھے
ناں کسے نال کوئی محبت کرے
پیار زندان ھے
پیار زندان ھے
روح_مجنوں توں پچھ
عشق ھے کہڑی شۓ
تیڈی لیلی تیڈے نال
کیا کر گئ
یا توں مکران دی
ونج کے ملکہ توں پچھ
تیکوں تقدیر کیویں تباھ کر گئ
ھک بے منزل مسافر پدھاڑو
دے مونہہ ایہو سنڑائیں
وفا مر گئ ھؤ دے وچ
جیویں طوفان آونڑ
توں پہلے
ملاح بوڑ باھنداۓ بیڑی
کدی شوھ دے وچ
ظلم دی دیواراں دے ساۓ ودھے
ول جفاواں دے جکھڑ
بلاں گھل پۓ
میکوں ایویں زمانہ
وسردا گیا
جیویں یوسف نوں
کوھ اچ بھرا بھل گۓ
میں روپے توں وکدا
نبی ویکھیااۓ
کہں کوں اے علم ناں
لعل لیراں اچ ھن
جیئں مصلے تے کٹھا
حسین ابن علی (رض)
اس مسلمان کوں
طمۓ جاگیراں دے ھن
آدمیت دے لباس اچ
شقی آدمی
آدمیت توں کھس کے
حیا مل گیاۓ
کرکے سر ننگا عزت دا بازار وچ
اج شرافت توں لٹ کے ردا مل گیااۓ
ھک ھور حادثہ وی لکھو
باوا جی
کیڈا اللہ نے مٹھا
دھن بخشیااۓ
توں گنہگار تے انپڑھ جیہا
#سائیں_مظہر
تیکوں خالق نے شاعری
دا فن بخشیااۓ