ونگاں کسیاں ہِن تیری وینڑی تے کسے لوڈ تو نپیاں باھیں نی
تیری باھیں تے اجنڑ نشان موجود ہن جیں جتھوں جتھوں نپیاں جاھیں نی
باھیں ویکھ کے عاجز شک پونداۓ کئ ہور بنڑا لۓ سائیں نی
انہاں کنگنڑ چڑھائے نی سونے دے اے کچ دیاں بھنیاں تاھیں نی
جواب
کیڈا کملا ایں لا الزام چھوڑیندایں میں پیار کھڈیندی رہی آں
جیڑی وانگ چوں پیار نہ نکلے آ او سجنڑ چوبیھندی رہی آں
ونگ ہک ہک کر کے ساریاں بھنیان اکھیاں تے وی لیندی رہی آں
اسے منکھ تو عاجز قسم چاوا لے میں باھیں مڑریندی رہی آں