میرے ہتھ ایچ ڈھول دی بانہہ آ گئی میں پیار توں بانہہ چا

میرے ہتھ ایچ ڈھول دی بانہہ آ گئی میں پیار توں بانہہ چا گھٹی 

اناں اٹھ روکے سسی اے جاتا من اٹھ تے خان چڑاؤ ان, کیچ اپڑاؤ ان

اناں اٹھ روکے سسی اے جاتا من اٹھ تے خان چڑاؤ ان, کیچ اپڑاؤ ان

اناں پیکے زیور سارے لاھ لے اس جاتا ساورے پاؤ ان, ھور سجاؤ ان

گھت صافہ گل اچ مارن لگے اس جاتا گھنڈ کرواؤ ان, ریت نبھاؤ ان

فرید شہزادی کسکی ای نائی اس جاتا من ازماؤ ان, تاں پرناؤ ان

دلا چھڈ چا شوق وفاواں دے بن سجنڑ گزارے کر لئے

دلا چھڈ چا شوق وفاواں دے بن سجنڑ گزارے کر لئے

جہڑے تروڑ گئے نی سنگتاں دے ہنڑ آپ نتارے کر لئے

میں سجـــنڑ فرید وٹاونڑے کوئی نہوں بھانویں جتنڑیں چارے کر لئے

لجپال سدی کے کیوں آدھائیں نویں سجنڑ پیارے کر لئے

نت حاکم بنڑ کے حکم کریناں ایں نالے دیناں ایں ڈھیر ڈراوے

نت حاکم بنڑ کے حکم کریناں ایں نالے دیناں ایں ڈھیر ڈراوے

تینوں اجے وی غیر مدعی آہدن میرے تروڑ نآہ سارے دعوے

ایہہ کم ہن قادر مطلق دے جوں اج غیر دے بنے ساوے

جے تنگ ہیں لکھ دروازے تے ساڈے گھر فرید نہ آوے

الله مرد بنڑایائے تے مرد ای راھنڑاں اے کیوں ہر کے پڑ چوں ہٹاں

الله مرد بنڑایائے تے مرد ای راھنڑاں اے کیوں ہر کے پڑ چوں ہٹاں

تساں کتڑیں وار ڈراوے دتے کیوں ھسڑ کے جھگیاں پٹاں

تینوں پیار حیاتی ساری کرنا اے بھانویں جگ تو کجھ نہ کھٹاں

مسیں قیس فرید سدایا اے جھل جھل کے دوھریاں سٹاں

میں اُجڑ کے ڈیٹھی بیٹھاں ماھی تائیں کردا میں تاکید آں

میں اُجڑ کے ڈیٹھی بیٹھاں ماھی تائیں کردا میں تاکید آں

وطنوں میں بے وطن ھویاں پردیس کریناں عید آں

چن ماھئی معمول مطابق ایتھوں رکھناں تئیں ول دید آں

جیدے بلکل جندرے بھئیں گئے نی میں او کمزور فرید آں

جس نوں غلام فرید ٹیوانڑے آلے واقعہ دا پتہ اے اوہ اس دوھڑے نوں بہتر طور تے سمجھ سگدا اے

ایہ عشق اے عطیہ قدرت دا نئیں ملدا مول دکان اچ

ہے نیک مہینے حاصل ہوندا مینوں ملیاۓ ماہ رمضان اچ

کم عمری وچ سر کٹوایا کیتی شئیعری )شاعری( عمر جوان اچ

ایہ فقط فرید دا کم آہی گیا جیندیاں قبرستان اچ

بارش ٹویاں تے

پاندیاں نئیں واجب کائیں صورت مویاں تے. . . . . . . . . . . . . !

غیب دے علم خدا جانڑیں تقدیر دیاں گلاں بجھ نئیں

غیب دے علم خدا جانڑیں تقدیر دیاں گلاں بجھ نئیں

حال حقیقت رب جانڑیں کئیں سجنڑ کوں ککھ دی گجھ نئیں

احساس چاہ کر میرے اجڑنڑ دا ہر سال مسلسل ہجھ نئیں

چن لالچ سٹ فرمائشاں دے تے ہنڑ کول فرید دے کجھ نئیں

ھووے سِین مکمل مرنے دا کہیں اج تائیں عید منائی نئیں

ھووے سِین مکمل مرنے دا کہیں اج تائیں عید منائی نئیں

تے میری موت دے ماتم ھوندے پئے تئیں شکل اُداس بنڑائی نئیں

کیوں ہار سنگھار سجائی بٹھائیں چن عید تاں ہالے آئ نئیں 

تیرے شغل فرید دے مرنے تے مظلوم دی شادی کائی نئیں

تخت بھنبھور دی ملکہ سسی پچھے خان پنل بھج وگی

تخت بھنبھور دی ملکہ سسی پچھے خان پنل بھج وگی

کیڈی کملی ھا نہ پیکے رکھیوس نہ ساوریاں دی بنڑ سگی

اگوں جے کر خان لجئ ھوندے اس نال نہ کردے ٹھگی

ساری نسل" فرید" بلوچاں دی ہک رن نوں سانبھ نہ سگی

کل اس دے شہر اعلان ھویائے مینوں کوئ نہ ڈھول بلاوے

کل اس دے شہر اعلان ھویائے مینوں کوئ نہ ڈھول بلاوے

تے جڈاں سارا شہر خلاف ھویائے ڈتے غیراں ڈھیر ڈراوے

میں ھسڑ کے ماھی دو ٹر پیا ھاں اللہ ساڈی توڑ نبھاوے

اگوں لکھیا ھا دروازے تے ساڈے گھر فرید نہ آوے

توں وی سونہہ چا میں وی سونہہ چیناں ویکھاں کیہڑا گل تے رھندائے

توں وی سونہہ چا میں وی سونہہ چیناں ویکھاں کیہڑا گل تے رھندائے

مڑ صدمے آندن، آون پئے ویکھاں کیہڑا صدمے سہندائے

کیہڑا لج تے پت تے سر دیندائے کیہڑا ونج کے غیر اچ بہندائے

ایہو عشق فرید مکمل لکھسی ودا سر توں بھار ڈلاندائے

جهک کمر گئی اللہ راسی دی ودا ٹرناں بالکل اڑکے

جهک کمر گئی اللہ راسی دی ودا ٹرناں بالکل اڑکے

قدم قدم تے رک باہناں ودے جوڑ غریب دے تهڑکے

ہائی اکی سال دی عمر میری جڈاں سجنڑاں لٹیئائی جڑ کے

بس ایہ جئی خوشیاں نفرت کیتی ڈٹهی عید فرید نہ مڑ کے