اگوں عید دا چن پیا چڑھدا ای کریں ترس بے ترس روائیں نھیں

اگوں عید دا چن پیا چڑھدا ای کریں ترس بے ترس روائیں نھیں

آکھیں عید مبارک کملے نوں رکھیں بھرم تے ملکھ ھسائیں نھیں

آکھے لگ کے ڈھول شریکاں دے میرے جگر تے بالیں بھائیں نھیں

کھاڈی نپ کے منت حیات کریندا ای میری عیدجناب ونجائیں نھیں

ودا گھرو گھری عید مبارکاں دیندا اے ہر کوﺉ اپنے سجناں نوں

ودا گھرو گھری عید مبارکاں دیندا اے ہر کوﺉ اپنے سجناں نوں

دمی دم اپنڑے دروازے تے رکھی کھلے ہائیں سکدیاں باہاں نوں

سد مار کے آہدا "تاج" کھلوتاں سارے وطن دے بندیاں نوں

کوئی ہے جیڑا عید مبارک دیون پیا آندا اے اوجڑ گیاں نوں

متاں بھل ونجیں بخت دی چڑتل توں میری منت مزید دا سوچیں

متاں بھل ونجیں بخت دی چڑتل توں میری منت مزید دا سوچیں

جہڑی کیتی اے تینوں ہتھ بنھ کے اس منت مزید دا سوچیں

تے متاں اگلے سال ابرار ہوائیں نئ بیمار شدید دا سوچیں 

چلو عیدالفطر تے مل نوں سگیا میرا چن بکر عید دا سوچیں 

کوئی رتا رومال ہووے

اسے نوں عید آدھن جہڑی سجنڑاں دے نال ہووے

ہتھ بھن کے ثمر دعائیں پیاء منگناں جے اللھ مالک رد فرماۓ نہیں

ہتھ بھن کے ثمر دعائیں پیاء منگناں جے اللھ مالک رد فرماۓ نہیں 

شالا کہیں دا لگدا بڈدی ڈیگر وطناں توں جھوک لداۓ نہیں

جیویں اساں پۓ ویکھنڑ دشمنڑاں نوں اللھ پاک اے وقت ویکھۓ نہیں

وسے ھر کوئ سجنڑاں نال ہمیشہ کوئ نکھڑ کے عید مناۓ نہیں

اس عید تے آسرا کملے نوں میرا سجن سیانڑاں دے ونج

اس عید تے آسرا کملے نوں میرا سجن سیانڑاں دے ونج

چلو دے نہیں تحفہ خوشیاں دا کوئی روگ کھپانڑاں دے ونج

پہلا سجن غریب دا حق ہوندائی سروں فرض تے لاہنڑاں دے ونج

ہاڑا من مشتاق زیارتاں دا توڑے ہنڑ فطرانہ دے ونج

هوندا نیویاں دا نت دا نیواں سدا ہن منت کریندن کسے

هوندا نیویاں دا نت دا نیواں سدا ہن منت کریندن کسے

تیرے بخت دی دنیا ریس کرے میرے حال تے جگ پیا ہسے

میرے خون تے چن اعتراض کریں "یاسین " جے کہیں نوں دسے

میں رت روساں توں عید کریں چلو کوئ پاسہ تاں وسے

اس سال وی کوڑا وعدے دا نا آئیوں عید تے ھانڑیں

اس سال وی کوڑا وعدے دا نا آئیوں عید تے ھانڑیں

اوتھے نؤیں کائی سجنڑ بنڑا لے نی یا بھل گئی ائی سنگت پورانڑی

من کیوں پابند تاثیر کیتوئی جے توں کائی نائی توڑ نبھانڑی

بیلی سال تو بعد تا قبراں تے بندے تروک چھوڑنیدن پانڑیں

ﻣﯿﺮﮮ ﺑﺪﮬﮯ ﮨﻮﮰ ﮨﺘﮭﺎﮞ ﺩﺍ ﮐﯽ ﺳﻮﭼﯿﻮﺉ ﻣﯿﺮﯼ ﺍﺱ ﺗﺎﮐﯿﺪ ﺩﺍ ﮐﯽ ﮐﯿﺘﺎﺉ

ﻣﯿﺮﮮ ﺑﺪﮬﮯ ﮨﻮﮰ ﮨﺘﮭﺎﮞ ﺩﺍ ﮐﯽ ﺳﻮﭼﯿﻮﺉ ﻣﯿﺮﯼ ﺍﺱ ﺗﺎﮐﯿﺪ ﺩﺍ ﮐﯽ ﮐﯿﺘﺎﺉ

ﮐﺪﮮ ﮔﮭﺘﯿﺎ ﮨﺊ ثمر دے ﺗﺮﻟﯿﺎﮞ ﻧﻮﮞ ﻣﯿﺮﯼ ﭼﯿﭧ ﻣﺰﯾﺪ ﺩﺍ ﮐﯽ ﮐﯿﺘﺎﺉ

ﮐﯽ ﮐﯿﺘﺎﺉ ﺟﮕﺮ ﺩﮮ ﺯﺧﻤﺎﮞ ﺩﺍ ﻣﯿﺮﯼ ﭘﯿﮍ ﺷﺪﯾﺪ ﺩﺍ ﮐﯽ ﮐﯿﺘﺎﺉ

ﭼﻠﻮ ﻋﯿﺪﺍﻟﻔﻄﺮ ﺗﺎﮞ ﺭﻭﻧﺪﯾﺎﮞ ﻧﺒھ ﮔﺊ ﮨﻦ ﺩﺱ ﺑﻘﺮﯾﺪ ﺩﺍ ﮐﯽ ﮐﯿﺘﺎﺉ

قمست دے جوڑ ہن ربی آگیاں ایں مڑ ثمر نہ سنجیاں جاہیں کر

قمست دے جوڑ ہن ربی آگیاں ایں مڑ ثمر نہ سنجیاں جاہیں کر

ہو وے بخت تاں اکاں تے امب لگ پوندن لئیاں رعیت توں ڈھیر دعائیں کر

پوار سال جناب دی نیک نہ لاہسی کر مرضیاں ایہہ کم خاہیں کر 

اکا بھن نئیں رونقاں وطن دیاں جیویں جانڑ نائیں عید اتھائیں کر

ایدے نت پیغام انجام دے قاصد اودے خیر منگیندی وتی

ایدے نت پیغام انجام دے قاصد اودے خیر منگیندی وتی

ایدے ہر حسرت توں کفن چھکی گئے اودے ذات کجیندی وتی

ایدے بیوہ اکھ دے اتھرو سک گۓ ادے اکھ پرنیندی وتی

ادے سنگت دے عابد چہلم ھو گۓ ادے عید منیدی وتی

دیئں چار جے چاڑا لے لیندوں تیرا ہر احسان منیندے

دیئں چار جے چاڑا لے لیندوں تیرا ہر احسان منیندے

ساونڑ چوں عید نکل ویندی اساں آس تے سال دھکیندے

جداں چنج نال پکھنو ہک بئے نوں ہن عید مبار ک دیندے

مینوں ریاض اس ویلے انج لگدا اے میرے نال پئے چرٹ کریندے

نہیں ڈردا ہجر دے صدمیاں تو کہیں موڑ تے طلب شفا نہیں

نہیں ڈردا ہجر دے صدمیاں تو کہیں موڑ تے طلب شفا نہیں

رہے چن محفوظ رقیباں تو منگنڑی کوئ هور دعا نہیں

توں ہر دا خالق ساجها اے ہیں کیا میں مخلوق خدا نہیں

یاسین عجب روآج ڈٹهائے کہیں سال اچ عید روا نہیں

اوہ دور وی ہاہ ساڈا بچپن وچ دل سنگت دا فقط اسیر ہاہی

اوہ دور وی ہاہ ساڈا بچپن وچ دل سنگت دا فقط اسیر ہاہی

ہر بشر دے نال محبتاں دی دھنگی آپ رکھیندا سیر ہاہی

چنگے وقت اچ ویکھیاں خواباں دی ڈٹھی جدن وقار تعبیر ہاہی

کجلے دیاں ہیلک اکھیاں وچ دیہنہ عید دے سو سو نیر ہاہی

دکھ عید فطر دے وسرے ناھن چن دس پیا عید ضحئ دا

دکھ عید فطر دے وسرے ناھن چن دس پیا عید ضحئ دا

انہوں ویکھ رحمان زبان تے آیائے ھکو جملہ فقط دعا دا

شالا 9 ذوالحج تائیں گھری ہٹ آوے میرا پوہریا کہیں خنگاہ دا

پر وانگ جے 10 تائیں نہ ہٹیا ترٹے شک نہی سلسلہ ساہ دا

اوہراں وگ آ لا پردیس نوں تیلی بارونق سنجیاں جاہیں کر

اوہراں وگ آ لا پردیس نوں تیلی بارونق سنجیاں جاہیں کر

باہلی ڈے کے چھک لاغرضیاں دی کمزور نہ سنگ دیاں لاہیں کر

غربت دا مجرم معافیاں منگدائ اوڈھر دیاں ختم سزائیں کر

میتھوں وڈے ڈیوں درد نہ وینڑ کرا اوراں وگ آ عید اتھائیں کر

کیہڑی آس تے اج میں عید کراں ڈٹھا نال اکھیں دے چن نئیں

کیہڑی آس تے اج میں عید کراں ڈٹھا نال اکھیں دے چن نئیں

کی درد ونڈاواں لوکاں دے میرے وس وچ آپنڑا من نئیں

کیہں ویلے پیار دے قاتلاں توں محفوظ غریب دا تن نئیں

کائ سجنڑ نئیں بچیا کیفی دا جئیں لٹیا آنڑ چمن نئیں

او رل کے شاہی کریے

عید پئ امدی اے آ ڈھول رسائ کریے

انج رٹهاں ایں توں مڈھوں خاب اچ نئو ملدا کہڑی دس گستاخی تهئی اے

انج رٹهاں ایں توں مڈھوں خاب اچ نئو ملدا کہڑی دس گستاخی تهئی اے

کیویں نبهدی پئی اے پچهلیاں دی توئیں بهئیں کے خبر نہ لئی اے

توں جدنڑ دا ٹریا ایں قسم خدا دی ساڈی هرحسرت مر گئی اے

تیتهوں پهٹ کے زلفی کیویں کرساں دهمیں عید سنڑیندی پئی اے

میرا سجنڑ جو ھے تاں نیکی کر کائی دے انمول نشانی

میرا سجنڑ جو ھے تاں نیکی کر کائی دے انمول نشانی

تیری شکل وی ڈھٹھیا سال پئے ھوندن ایہو کھا گئی اے پریشانی

مینوں ھک واری مل ونج رب دے ناں تے دے نکی جہی چن قربانی

جہنوں جانی جانی آھدائے ھائے پیا ھسڑ کے مردائی جانی

سداں عید تے ساونڑ کائ نئوں رلنڑیں

سداں عید تے ساونڑ کائ نئوں رلنڑیں ربوں بنڑ گیا ہئ جوڑ ڈوہاں دا

بندے وطن تے عیداں آنڑ کریندن وڈا مانڑ ہونداۓ سجنڑاں دا

مینوں وسنڑ دا چھوڑ وسیب دے وچ پرھاں چھوڑ خیال کنہاں دا

متاں درد دی آخری عید ہووۓ کیہڑا سجنڑ وساہ ہے سانہاں د

چن عید دا چڑن توں کجھ ڈنگ پہلے

چن عید دا چڑن توں کجھ ڈنگ پہلے پئے خط تے خط لکهیوسے

دتے ڈهیر حوالے غربت دے ہر لفظ تے رت وٹیوسے

انہاں کوئی نئیں ولنڑاں نو زلحج نوں جداں ولدی آنڑ ڈهیوسے

وت گهر رحمان دے پٹنڑے پئے گئے نہ مسجد ونج سگیوسے

رب جانڑیں کس نوں عید آہدن تے کیویں وسدیاں سنجیاں جائیں

رب جانڑیں کس نوں عید آہدن تے کیویں وسدیاں سنجیاں جائیں

اونوں کائی نئیں چنتاں خوشیاں دی تے نئیں آیا وطن تے تائیں

سہہ بھجیم دھرکیم ترلے کیتےچن اوندا اے نظر کدائیں

جاوید نوں صرف تسلیاں دے کے تے انھاں کیتی اے عید ادائیں