پکی دل دے نال صلاح کر کے ہتھ سنگت اوہدی توں چا چھڈیاے

پکی دل دے نال صلاح کر کے ہتھ سنگت اوہدی توں چا چھڈیاے

اوہدے نت دے غلط رویے توں  سارا رولا ای یار مکا چھڈیاے

پکا کر کے اپنا دل کملا اوہدا عارضی پیار بھلا چھڈیاے

دل ظلم مزید ھنڑ ناہی ساہندا تائیں فخری ذہن توں لاہ چھڈیاے

پچھاں ہٹنڑ دی کر میری زندگی نوں پیا موت دا ٹوپا وگدائ

پچھاں ہٹنڑ دی کر میری زندگی نوں پیا موت دا ٹوپا وگدائ

کدھ سانہاں دی ہجر دا کلر ڈھہینداۓ کوئ مار جے پوچا وگدائ

ضداں سٹ مشتاق تے آونڑ کر او پیا پیار تے دھوپہ وگدائ

او تیرے دس پیاں پتا نئ بچ پوساں جویں مار تروپا وگدائ

تروپا سجنڑاں سنگت نوں بھرن کجا پرھاں سٹ سوئ دھاگے چھوڑے

تے لا میریاں اکھیںءچ مردیاں تائیں مشتاق دواگے چھوڑے

اسیں ناں سجنڑاں دے لے لے گھت جبھ تے لاگے چھوڑے

ساتھے سجنڑاں ظلم دے ہل واہ کے اتوں مار سوہاگے چھوڑے

ساڈی طرفو سجنڑ خدا حافظ ہنڑ آپنڑیاں مرضیاں کر توں

ساڈی طرفو سجنڑ خدا حافظ ہنڑ آپنڑیاں مرضیاں کر توں

مینوں چھڈ کے غیر دے موڈھیاں نا ٹر بیشک یار فخر توں

میرے مرنڑ توں بعد وی پڑھ لیں آ کے ہک جملہ طاہر قبر توں

ساہ نکل وی جاون شیراں دے کتے منہ نیں پیندے ڈر توں

تیتھے پہلی پیہڑی بخت آیا ہے پیگھاں وائے توں وڈیاں اڈ نئیں

تیتھے پہلی پیہڑی بخت آیا ہے پیگھاں وائے توں وڈیاں اڈ نئیں

لتاں رکھیے ظلم دی چاکھڑی تے رسے روز جھلیندے تڈ نئیں

ہل واہ مشتاق غریباں تے ہتھیں بی بریائ دے گڈ نئیں

ڈنگ ہٹنڑ تاں پنیاں ای کوئی نہیں دیندا شالا ونجنڑ دیہاڑے چھڈ نئیں

فوٹو ویکھ کے پھٹ گیاں سجنڑاں دے انجے دل نوں دیناں دهیراں

فوٹو ویکھ کے پھٹ گیاں سجنڑاں دے انجے دل نوں دیناں دهیراں

ہتھ مڑ مڑ رکھنڑیں زخماں تے جیہڑے کیتن ہجر دے تیراں

رت وسدی ساحر یاد آ ونجنڑی لڑ پوونڑ اکھیں چوں نیراں

بھانویں کوکاں مار کے روندے وتیئے کدی بولیاں نئیں تصویراں

زندگی دے کہڑے حسین موڑ تے میں ہمسفر ھا کھڑایا مینوں یاد نہیں

زندگی دے کہڑے حسین موڑ تے میں ہمسفر ھا کھڑایا مینوں یاد نہیں

خدا جانڑیں کہڑی وجہ ھا لڑائی دی میں کیوں ناہ منایا مینوں یاد نہیں

وچھوڑے دا سبب جد وی لوکاں پچھیا میں سر چا ہلایا مینوں یاد نہیں

میں کہندی تلاش اچ بھلی پئے گیوم وت کداں حوش آیا مینوں یاد نہیں

میں کہندے سہارے تے زندگی گزاری میں کے کجھ کمایا مینوں یاد نہیں

میں کہندے بھروسے تے گھاٹے پئے جھلے میں کے کجھ ونجایا مینوں یاد نہیں

تے میتھوں ساری زندگی بے کس بے ضمیری دا کئیں کھوہ گڑایا مینوں یاد نہیں

او ملدا تاں رہیا میں پچھ کجھ نہ سگیوم جے اس کجھ دسایا مینوں یاد نہیں 

میں زندگی دا  داء لا کے ظل ہک جواری توں ہریاں اتنا تاں یاد اے

مقدر دے پڑ اچ محبت دا جوا کیویں میں ہرایا مینوں یاد نہیں

نہ آپ آئے او نہ خط توہاڈا

نہ آپ آئے او نہ خط توہاڈا اساں کوں سرکار بھل تاں نیہہ گئے

اساڈا زندگی دا ہے تعلق اوہ اپنے اقرار بھل تاں نیہہ گئے

سال پہلے دی گل اے سانول خمیس ڈیگر روانہ تھئے آئے

میں جمعہ چھنڑ چھنڑ ادائیں راہساں فقط اے دو دیہوں دسا کے گئے ہائے

توہاڈا وعدہ ہا واپسی دا حضور اتوار بھل تے نیہہ گئے

نہ آپ آئے او نہ خط تہاڈا اساں کوں سرکار بھل تاں نیہہ گئے

جے میکوں کنڈا وی پڑ ونجے تساں تاں جتیاں وی پیندے نائے

کوجا عیادت تیمار داری دا خود وی بھار آ کے چیندے ہائے

اوہ مٹھیں بھر کے جگاونڑ آلا حسین کردار بھل تاں نیہہ گئے

نہ آپ آئے او نہ خط توہاڈا اساں کوں سرکار بھل تاں نیہہ گئے

اساڈی سک چھک بھلا کے دل توں کنہاں دیاں ریجھاں لہیندے پئے او

بغیر قیمت اونہاں کوں قربت دے جام بھر بھر پیویندے پئے او

اوہ بیلے مجھیں چراونڑ آلے حقیقی حقدار بھل تے نیہہ گئے

نہ آپ آئے او نہ خط توہاڈا اساں کوں سرکار بھل تاں نیہہ گئے

اویں ہے بوہے تے سر دی چھپری اویں ہے کچا مکان اساڈا

جتھے ہفتے اچ پنج دیہاڑے قیام ہوندا ہا چن توہاڈا

پرائے محلاں دے درد لالچ توں ساڈا گھر باہر بھل تاں نیہہ گئے

نہ آپ آئے او نہ خط تہاڈا آساں کوں سرکار بھل تاں نیہہ گئے