پنجابی دوہڑے

Wednesday, 20 March 2019

باہلی ڈے کے چھک لاغرضیاں دی کمزور نہ سنگ دیاں لاہیں کر

غربت دا مجرم معافیاں منگدائ اوڈھر دیاں ختم سزائیں کر

میتھوں وڈے ڈیوں درد نہ وینڑ کرا اوراں وگ آ عید اتھائیں کر

کی درد ونڈاواں لوکاں دے میرے وس وچ آپنڑا من نئیں

کیہں ویلے پیار دے قاتلاں توں محفوظ غریب دا تن نئیں

کائ سجنڑ نئیں بچیا کیفی دا جئیں لٹیا آنڑ چمن نئیں

او رل کے شاہی کریے

عید پئ امدی اے آ ڈھول رسائ کریے

کیویں نبهدی پئی اے پچهلیاں دی توئیں بهئیں کے خبر نہ لئی اے

توں جدنڑ دا ٹریا ایں قسم خدا دی ساڈی هرحسرت مر گئی اے

تیتهوں پهٹ کے زلفی کیویں کرساں دهمیں عید سنڑیندی پئی اے

تیری شکل وی ڈھٹھیا سال پئے ھوندن ایہو کھا گئی اے پریشانی

مینوں ھک واری مل ونج رب دے ناں تے دے نکی جہی چن قربانی

جہنوں جانی جانی آھدائے ھائے پیا ھسڑ کے مردائی جانی

سداں عید تے ساونڑ کائ نئوں رلنڑیں ربوں بنڑ گیا ہئ جوڑ ڈوہاں دا

بندے وطن تے عیداں آنڑ کریندن وڈا مانڑ ہونداۓ سجنڑاں دا

مینوں وسنڑ دا چھوڑ وسیب دے وچ پرھاں چھوڑ خیال کنہاں دا

متاں درد دی آخری عید ہووۓ کیہڑا سجنڑ وساہ ہے سانہاں د

چن عید دا چڑن توں کجھ ڈنگ پہلے پئے خط تے خط لکهیوسے

دتے ڈهیر حوالے غربت دے ہر لفظ تے رت وٹیوسے

انہاں کوئی نئیں ولنڑاں نو زلحج نوں جداں ولدی آنڑ ڈهیوسے

وت گهر رحمان دے پٹنڑے پئے گئے نہ مسجد ونج سگیوسے

اونوں کائی نئیں چنتاں خوشیاں دی تے نئیں آیا وطن تے تائیں

سہہ بھجیم دھرکیم ترلے کیتےچن اوندا اے نظر کدائیں

جاوید نوں صرف تسلیاں دے کے تے انھاں کیتی اے عید ادائیں