دوستی دی بقا واسطے
ہُنڑ منی وَنج خُدا واسطے
ہک وچھوڑا نہ پا دوستا
جہڑی دل ائی مَنا دوستا
دم ہے حاضر سزا واسطے
ہُنڑ منی وَنج خُدا واسطے
داء حیاتی دا لا چھوڑیائے
سارے جگ نوں رُسا چھوڑیائے
صرف تیری رضا واسطے
ہُنڑ منی وَنج خُدا واسطے
جئیں دیہاڑے توں دیداں گئیاں
ساتھوں خوشیاں تے عیداں گئیاں
ہتھ ترسدن حناء واسطے
ہُنڑ منی وَنج خُدا واسطے
درؔد مَنتاں مَنیندا وداں
تینوں رب توں پنیندا وداں
ہتھ اُٹھا کے دُعا واسطے
ہُنڑ منی وَنج خُدا واسطے
No comments:
Post a Comment