قافیہ برسٹ چھتاں

کداں ملسیں تے کدنڑ وچھوڑے مکسن تینوں کے تایٔیں ہاڑے گھتاں

دس کے تایٔیں تاہنگ دے چرکھے تے ہسڑاں دیاں پوریاں کتاں

چنگے سجنڑ تاں ہوندن درد دا چن سجنڑاں دے سر دیاں چھتاں

تیری زات دے ہوندیاں جیز تاں نیٔیں میں ٹھوکراں کھاندا وتاں

پکی دس گھل مُدت زیارت نوں میں کے تائیں لوہندا وَتاں

نالے کے تائیں درد وسیب دے وچ بے بَھرما ہوندا وتاں

کے تائیں سرکار دے کھاڑیاں تے دئہیاں رات کھلوندا وَتاں

تیرے جیندیاں کون وپار آھدائے میں نِکھڑ کے روندا وتاں

تیتھوں وکھریاں میں کیہڑے کم داہاں وتھوں کیہڑے پیچ تے گھتاں

کوٹھے درد کھلوندن ایریاں تے لکھ پکیاں ہوون چھتاں

پرواہ نیٔیں نت لتڑیندا وت اکھیاں تے دے پیا لتاں

میں پاگل ہاں تیرے نال ونجا کے ساری زندگی روندا وتاں

کیوں قد توں باہلہ صد ماراں کیوں هته آسمان نوں گهتاں

تیری سنگت دا بهار اے بہوں بهارا کمزور هن میریاں   لتاں

جے وانگ چوکادهیاں کاٹهه ناہ هووے نئیں باہلیاں تگدیاں چهتاں

آپو ڈاهڈے درد بنا کے لگدے انجے کیوں دهرکیندا وتاں

بهلی رب توں پئۓ ہاں بهولیا شخصا سدهے راہ دیاں دے نئیں متاں

ہن ملن کجا میرا دل آہداۓ کهرے ڈهول دے چمدیاں وتاں

هن من وی ریت نبهاونڑ دے دوہیں ہته چا پینگه نوں گهتاں

بھلا ویکهیے تاج نوں ڈهاندیاں واری پہلے سر لگداۓ یا لتاں

دل آھدائے تیرے قدماں وچ راھواں جے تائیں جیندا وتاں

میرے واسطے ایہ وی لکھ اعزاز اے بھانویں میں لتڑیندا وتاں

تینوں جدنڑ ابرارایمان بنڑایائے کیوں کافر تھیندا وتاں

تیتھوں مکر کے میں کوئی کملا ھاں بے ایمان سدیندا وتاں

ازمائیاں نو ازماونڑ کیہڑا کیوں نت نت بھلدا وتاں
کیوں درد فراڈ دی ترکڑی تے لتھے ابھرے تلدا وتاں
تساں بندیاں جدنڑ وفا نئیں کرنی بھانویں جتنڑائی ڈلدا وتاں
میری منت تاں کائی نئیں مگر توہاڈے ساری زندگی رلدا وتاں

چھڑا رس ونج بے شک بھار نہ چائیں جیڈا اوکھا تھیندا وتاں
تیرے ناں دے مہنڑے ملکھ توں سنڑ کے میں نت ولسیندا وتاں
ایہ جائز تاں نئیں تیرے ہوندیاں سندیاں مچھی وانگ تلیندا وتاں
کائی ٹیک تاں دس جیہندے آسرے تے میں انجم جیندا وتاں