اُچیچ کر کے ویران ویہڑا وَساونڑ آیائیں تاں مہربانی
جگّر تے بَلدے ہجر دے بھانبڑ بُجھاونڑ آیائیں تاں مہربانی
فجر دا بھُلیا جے دیگر آوے تاں اُس نوں بھُلیا گِنڑیندا کوئی نئیں
اَجنڑ وی ویلائے فریضے سَنگ دے نبھاونڑ آیائیں تاں مہربانی
امیراں بندیاں دے نال کہڑے غریباں بندیاں دے رُوسے ہوندن
احساس ہویائی وِیہانڑی رُت دا مَناونڑ آیائیں تاں مہربانی
محلاں آلے جے پکھیاں آلے نوں مِلن آون کرم دی حَد اے
رَعایا پَروَر اساڈے دُکھڑے وَنڈاونڑ آیائیں تاں مہربانی
اُوہ اگلی چھِک سِک وِراگ نہ سہی چلو شریکاں دا مُونہہ تاں بَجھدائے
توں لوکو چاری دے واسطے وی بُلاونڑ آیائیں تاں مہربانی
میں گُزرے کل تائیں تاں گو غریب ہَم تُہاڈے سِر تے میں ڈھیر کجھ ہاں
پہاڑ بھَلیاں دے درؔد کولوں چوّاونڑ آیائیں تاں مہربانی
No comments:
Post a Comment