ہک پکھو نوں دیس نکالا ڈھی ویندا اے اوہ پردیس اچ ہک رکھ دی شاخ تے اپنڑاں آہلنا بنا لیندا اے کجھ دیہاں تو بعد ہک ہور پکھو وی دیس نکالا لے کے اوسے رکھ تے بہہ ویندا اے اوہناں دوہاں دا آپس اچ پیار بنڑ جاندا اے کجھ عرصے توں پچھے ہک پکھو نوں اپنڑاں وطن یاد آ ویندا اے اوہ دوجے پکھو نوں آکھدا اے توں دانہ چگ آ میری طبیعت ٹھیک نئیں دوجا پکھو خوراک لے کے جلدی واپس آ ویندا اے تے کی ویکھدا اے اگوں آہلنا خالی اے ساتھی وطناں نوں ٹر گیا ہوندا اے
خالی آہلنے دی تاب ناں لا
کے پکھو اوتھے ای مر جاندا اے کوئی سیانڑا بندہ پکھو دی لاش ویکھ کے سوچیندا اے بھئ عجیب پکھو اے ایہدے اتے وینڑ کرنڑ آلا کی کوئی نئیں تے رکھ وچوں آواز آندی اے توجہ
میں وی ہاں غمگین جو لا وارث دا میتھوں درد ونڈی ناں سگیا
ایہندے پھٹ شاہین جدائیاں دے کوئی ہور وی سی ناں سگیا
کجھ دل دا ہاہ کمزور ایہہ وی گھٹ صبر دا پی ناں سگیا
خالی ویکھ کے آھلنا مر گیا آخر جھٹ کلیاں جی ناں سگیا
No comments:
Post a Comment