اک بیمار بندے دی سوچ تے سجنڑ نوں آخری پیغام
مینوں جدنڑ غربییاں گھیر لیا
مُکھ لگدیاں میتھوں پھیر لیا
میرے اوکھے ڈنگ پرتی پوسن
میرے رُٹھے اوۓ سجنڑ منی پوسن
ایہو آس امید میں لائی بیٹھاں
جھلے دل نوں بس ولچائی بیٹھاں
جیڑہ مینوں اد راہ چھوڑ گیااۓ
رسہ مانڑ میرے دا تروڑ گیااۓ
جدوں بخت دا جھولا آ ویسی
اوھا سگواں ڈھولا آ ویسی
اُن کدی بی رسنڑ نہ دیساں دا
ہتھ بن کے منت کریساں دا
اللہ واسطے ہُنڑ نہ چھوڑ ونجی
منہ متھوں چن نہ موڑ ونجی
گل اوکھی اے تنہایاں دی
من منت توں آپ رسیائیاں دی
اِس مُلکھ دے منہ نوں پا رُوکاں
آ سجنڑ وسا ونج توں جھوکاں
اے سوچاں سوچ تے مُک گیاں ہن
بیمار دیاں نبضاں رُک گیاں ہن
دُکھ ساندل سارے سہہ جانڑن
اے خاب ادھورے رہ جانڑن
نہ سجنڑاں آنڑاۓ وطنڑاں تے
بیڑی رُکی اے آس دی پتنڑاں تے
نہ آس دی بیڑی ٹِھل سگناایں
نہ سجنڑاں مینوں مِل سگناایں
بس ہک ان گل سمجھا چھوڑو
وت بے شک من دفنا چھوڑو
انھوں آکھیاۓ کوئی اودھا لگدا ھا
جیندی یاد بغیر نہ تگدا ھا
ہک آخری دید کرا جاوے
توڑے میت میری تے آ جاوے
جاندی واری گل اک کر گیا اے
بازی زندگی دی جیڑہ ہر گیا اے
تیرے دتے اوۓ دُکھ او جر گیااۓ
تائیں ویکھ لے اج او مر گیااۓ
تائیں ویکھ لے اج او مر گیااۓ۔۔۔
No comments:
Post a Comment