ہک بندےدا ہک لگدا ہوندا آپس وچ رنجگی بنڑ ویندی تے ہک بندا کسے مجبوری دی وجہ توں کسے ہور شاہی وچ لگا ویندا اس ویلے قاصد ہک دوئے دے پیغام اپڑاندے ہن قاصد قدرتی اس شاہی وچ ویندا تے اس دی ملا قات اس بندے نال ہو وندی او بندا قاصد نو اپنڑے حالات دسدا قاصد واپس ویندا تے کجھ دناں تو بعد دوسرے بندے نو ملدا تے اس نو دسدا کے تیرا لگدا اس شاہی وچ ہوندا میں اس نو مل کے آئیا 

او بندا قاصد نو آدھا کہ

قاصد اس شاہ زور دا کے حال اے جس لکھیا سال دا خط نئ

جئیں عید دے دیہنہ وی لا پرواہی تو رکھی شہر اساڈے لت نئ

قاصد دا جواب 

ایتھوں جدن دا ٹریا ای قسم چوا لئے رہیا رونداےٗ ہسیاں وت نئ

اتھو ٹُرن لگیاں آدھا وت وت ہائ رحمان نوں منا ڈِھل گھت نئ

قاصد نو او بندا آدھا

ہائیں ہائیں قاصد اے کے پیاں آہدھا ایں ذرا گل سمجائیں نہ بیہ کے

تے کیا واقعی او پریشان ودا اے میرے دِل دے تخت توں ڈھہ کے

اگو قاصد آدھا

سچی گل اے ایہ کوئ کوڑ وی نئ میں آیاں رات اوسے کول رہ کے

اوتھوں ٹُرن لگیںا آدھا وت وت ہائ آویں نال رحمان نو لئے کے 

قاصدآدھا کے اس ہک ہور پیغام وی دتا

پیغام

میں مَر گیاں قاصد قسم چوا لئے متاں سمجھیں میں کوئ زندہ آں

جیندے جسم تے بلکل پَر کوئ نئ میں او معزور پرندا آں

تے کدی راج ہن میری مرضیاں دے اج ملک دا آپ کارندا آں

ہک غلطی ہوئ ہائ بخت دے وچ رحمان دے منہ شرمندا آں