جیہڑی رات آوےسنگ سجنڑاں دے اودھی جھب کیوں ہوندی اے دھمی
جیہڑی رات سجنڑ توں نکھڑ ونجیوے او ہو کیوں ویندی اے لمی
اللہ جانڑیں نکھڑیاں سجنڑاں دی پوری کیوں نئیں ہوندی اے کمی
ہوندا علم حیات اونہاں کوئی نئیں ولڑاں اکھ وت وی راہندی اے جمی
بندے سنگت شناس تاں قسم خدا دی سجنڑاں دے ہوندن کمی
سد سُنڑن تاں جُتیاں ای نہی پیندے ادھ رات ہووے یا دھمی
خُود غرض انسان دے سانگے دی ہوندی کائی نہی زندگی لمی
او کملے اِن درد بے قدریاں تے جہڑے رکھدن آس نکمی
میں کداں کوئ آہناں شاہواں نوں ہائ ٹھڈیوں بخت دی کمی
سارے مانڑ ہانڑ تیریاں صدقاں دی لت بھوئیں تے کدیں ناہی جمی
جیڈے ترانڑ نزیر رسائ دے مارے وتھ پئے گئی اتنڑی لمی
اے تاں ورتارا اے چن خالق دا کدی خوشی تے کدی غمی
نالے کل مخلوق کائنات دے وچ ہے مرنڑ دے وسطے جمی
کدی کدی تاں راز وچھوڑیا توں رک ویندی اے اکھ اچ نمی
ساری زندگی پوری تھیندی نئں کسے ہک انسان دی کمی
ہک او وقت ھا گل بات دے وچ ملاقات ھو ونجنڑی لمی
تساں ویندیاں وعدے کر ونجنڑیں ول اوساں قاسم دھمی
تہاڈی روندیاں روندیاں ھنج نہ سکڑی میری ویکھ کے زرا جیہی غمی
اج او وقت اے نہے بول کے راضی چوکھی ڈٹھی نے خلق اچ کمی
دریا دے یار سپرد ہو گئی جاں رات جنم دی دھمی
کسے ملک دی اوہ شہزادی ہائی ناہی گھر دھوبی دے جمی
ہکو خان دے باہجوں دنیا تے ناہسوں ہور تاں کائ وی کمی
ساری عمر رہی ہاشم سفراں وچ کجھ لحظے سیج تے سَمی
اوہو سگویں رعیت تے وطن وی سگواں اے ہے توئیں سردار دی کمی
بھلی پۓ سدھراں دے قافلے نوں ہے توئیں سالار دی کمی
ہر قدم تے درد رویندی ہے سانوں توئیں دلدار دی کمی
باقی رب دا دتا ہویا سب کجھ ہے ہئے تیرے پیار دی کمی
اوہو سگویں رعیت تے وطن وی سگواں اے ہے توئیں سردار دی کمی
بھلی پۓ سدھراں دے قافلے نوں ہے توئیں سالار دی کمی
ہر قدم تے درد رویندی ہے سانوں توئیں دلدار دی کمی
باقی رب دا دتا ہویا سب کجھ ہے ہئے تیرے پیار دی کمی
No comments:
Post a Comment