مسافر کوئی تیرے وطناں تے آوے

مسافر کوئی تیرے وطناں تے آوے توں ہک رات اس نوں راہیسیں کے کوئی نہ

پیاسا وی ہووے محبت تیری دا توں ہک جام قربت پیویسیں کے کوئی نہ

تیری ساری زندگی غلامی کریسی

سداں تیرے پیراں دی مٹی چمیسی

چا کر مہربانی ایہو کجھ دسا چا توں اپنڑی سنگت وچ رلیسیں کے کوئی نہ

مسافر کوئی تیرے وطناں تےآوے توں ہک رات اس نوں راہیسیں کے کوئی نہ

جے حالات آپنڑیں توں مجبور ہووے

اوہ ظالم زمانے دا مقہور ہووے

تیرے در تے آوے پناہ گیر بنڑ کے توں اس دی غریبی لکیسیں کے کوئی نہ ,,

مسافر کوئی تیرے وطناں تےآوے توں ہک رات اس نوں راہیسیں کے کوئی نہ ,,

توں بلفرض اپنڑاں چا لگدا بنڑاویں

اوہدی مفلسی تے چا کرم کماویں

میرا چن زبانی توں اظہار کر چا سرے تائیں ایہہ لگیاں نبھیسیں کے کوئی نہ

مسافر کوئی تیرے وطناں تےآوے توں ہک رات اس نوں راہیسیں کے کوئی نہ

تیتھے درد زندگی دا انصاف ہوسی

میرا خون جرم اچ تیتھے معاف ہوسی

جے میں تینوں اتنڑی تسلیاں وی دیواں میرے زحم دل دے مٹیسیں کے کوئی نہ

مسافر کوئی تیرے وطناں تےآوے توں ہک رات اس نوں راہیسیں کے کوئی نہ