تکیا یار دی زلف پیا چمکدا نورکوہطور والا

ت_ تکیا یار دی زلف پیا چمکدا نورکوہطور والا

بھلے ہوش تے عشق دا جوش ہویا کیتا نوش پیالا منصور والا

دتے سکھ تے جھولڑی دکھ پائے کیتا ونج اے بہت قصور والا

♡محمد بوٹیا♡روندیاں عمر گزری کرے نہ ترس یار غرور والا

2

ذ- ذرا نیں آوندی سمجھ ملاں تیرے علم تے وعظ کلام والی

رکھ ٹھپ کتاب شتاب ہتھوں کر صفت کوئی یار دے نام والی 

اساں عشق کفار دے کافراں نوں کجھ خبر نہ مزہب اسلام والی

♡محمد بوٹیا♡وکھ کے زلف ماہی دی کھچی الف دی شکل میں لام والی

3

ض_ ضامن غماں دا کون آہا یار دردی س اوہ وی نس گیا

ناہی بندگی پئی قبول میری سجدے کردیاں متھڑا  گھس گیا 

ڈٹھا یار میں بے پرواہ سوہناسانوں روندیاں نوں ویکھ کے ہس گیا 

کہتے ♡محمد بوٹیا♡ لکھ ہزار ترلے جانی اک نہ دلے دی دس گیا

4

ز- زار زلیخا دے ہار رووواں یوسف یوسف وانگ سوہنا وچ خواب ملیا

لایا نیہوں ہاہ ای سکھ عزاب کارن ہتھوں دکھ تے درد عزاب ملیا

لدی سار نہ یار وانگ سسی ماری ہوش جاں جام شراب ملیا

♡محمد بوٹیا♡روندیاں عمر گزری کیہا دھروں نصیب خراب ملیا 

5

س_ سوہنیاں توں قربان جائیے کالے سوہنے نین جنہاندڑے نیں 

جلوہ لیلتہ القدر  دے نور والا کالی زلف تیں پئے وکھاندڑے نیں

دسن دور تیں نیڑیوں آن جانی راہ دلاں دے نباندڑے نیں

شاہ رگ تیں ♡محمد بوٹیا♡ یار نیڑے ڈھونڈن لوک کیاں جنگلیں جاندڑے نیں  

6

ع_ عشق دے مگر جو  نشر ہویا پردہ اونہاں  دا کسے پاڑنا کی

موئے جل جو عشق دی اگ اندر  دوزخ اونہاں نو ں ساڑناکی 

ہوئے دید تے آپ شہید جیہڑے سولی اونہاں نوں کسے چاڑنا کی

دل جنہاں دے ♡محمدبوٹیا♡عشق لٹے گھر اونا دا کسے اجاڑنا کی