اج کیہ پکائیے ۔۔۔۔
چوہدری ۔ ...
اج کیہ پکائیے دس تیرا کی خیال اے
رحماں ۔ میں کی خیال دساں میری کی مجال اے
چوہدری ۔۔چل فیر رحمیا اج چسکے ای لا لیے
لبھ جان چنگیاں تے بھنڈیاں پکا لئیے
رحما ۔۔۔
. . . . واہ واہ تساں بجھیاں نیں دلاں دیاں چوریاں
لونواں والی بھنڈی ہووے پوٹا پوٹا لمبی ہووے
ہولی تے کچور ہووے سوہنی ہووے کولی ہووے
وچ ہووے بکرے دی پٹھ دیاں بوٹیاں
نال ہووے چھنڈیاں تندور دیاں روٹیاں
مکھنے دا پیڑہ ہووے لسی دا پیالہ
بھنڈیاں دے نخرے تے گرم مصالحہ ہووے
بھنڈیاں بنانا وی تے کوئی کوئی جاندا
رنھناں پکانا وی تے کوئی کوئی جاندا
اٹھاں فیر چوہدری پھڑاں میں تیاریاں
بھنڈیاں بناواں اج رج کے کراریاں
چوہدری ۔۔
رحمیا ہزار ہون مزے دار بھنڈیاں
ہوندیاں نیں کجھ لیس دار بھنڈیاں
رحما ۔۔
دفع کرو چوہدری جی سبزیاں دی تھوڑ اے
سانو اے لسوڑیاں پکان دی کی لور اے
بندہ کاہنوں بھنڈیاں دی لیس دی ہواڑ لوے
ایھندے نالوں پولی دی سریش بھانویں چاہڑ لئے
چوہدری ۔۔۔
فیر کی خیال اے جھڑی نہ منا لئے
جے تو آکھے رحمیاں کریلے نہ پکا لئے
رحما ۔۔ریس اے جی چوہدری جی آپ دے خیال دی
جمی نئیں کوئی سبزی کریلیاں دے نال دی
ڈھڈ وچ انج جویں لو لگ پئی اے
تساں گل کیتی اے رال وگ پئی اے
سچ پوچھو چوہدری جی ایہو میری را اے
مینو وی چروکناں کریلیاں دا چا اے
چوہدری جی ہووے جے کریلا چنگا پلیا
وچ ہووے قیمہ اتے دھاگا ہووے وليا
گنڈھیا ، ٹماٹراں نال ہووے تنیا
فیر ہووے گھر دے گھیہو اچ بھنیا
فیر کوئی چوہدری جی اوس دا سواد اے
پر وی پکایا سی تساں نوں یاد اے
چوہدری ۔۔۔
ھور بیبا مینو ایہندی ہر گل بھاؤندی
رحمیا کریلیاں اچ کوڑ ذرا ہوندی اے
رحماں ۔۔
دفع کرو زہر تے چریتا مینو لگدا اے
نم تے دھریک دا بھرا مینوں لگدا اے
پلے پلے دنداں جیپھ پئی سکدی
کھا مر لئے تے تریہہ نئیں مکدی
تمے دیاں گولیاں کریلیاں توں پھکیاں
ایہنا نالوں چاہڑ لو کونین دیاں ٹکیاں
چوہدری ۔ ...
اج کیہ پکائیے دس تیرا کی خیال اے
رحماں ۔ میں کی خیال دساں میری کی مجال اے
چوہدری ۔۔چل فیر رحمیا اج چسکے ای لا لیے
لبھ جان چنگیاں تے بھنڈیاں پکا لئیے
رحما ۔۔۔
. . . . واہ واہ تساں بجھیاں نیں دلاں دیاں چوریاں
میرا وی اے دل سی پکائیے اج توڑیاں
لونواں والی بھنڈی ہووے پوٹا پوٹا لمبی ہووے
ہولی تے کچور ہووے سوہنی ہووے کولی ہووے
وچ ہووے بکرے دی پٹھ دیاں بوٹیاں
نال ہووے چھنڈیاں تندور دیاں روٹیاں
مکھنے دا پیڑہ ہووے لسی دا پیالہ
بھنڈیاں دے نخرے تے گرم مصالحہ ہووے
بھنڈیاں بنانا وی تے کوئی کوئی جاندا
رنھناں پکانا وی تے کوئی کوئی جاندا
اٹھاں فیر چوہدری پھڑاں میں تیاریاں
بھنڈیاں بناواں اج رج کے کراریاں
چوہدری ۔۔
رحمیا ہزار ہون مزے دار بھنڈیاں
ہوندیاں نیں کجھ لیس دار بھنڈیاں
رحما ۔۔
دفع کرو چوہدری جی سبزیاں دی تھوڑ اے
سانو اے لسوڑیاں پکان دی کی لور اے
بندہ کاہنوں بھنڈیاں دی لیس دی ہواڑ لوے
ایھندے نالوں پولی دی سریش بھانویں چاہڑ لئے
چوہدری ۔۔۔
فیر کی خیال اے جھڑی نہ منا لئے
جے تو آکھے رحمیاں کریلے نہ پکا لئے
رحما ۔۔ریس اے جی چوہدری جی آپ دے خیال دی
جمی نئیں کوئی سبزی کریلیاں دے نال دی
ڈھڈ وچ انج جویں لو لگ پئی اے
تساں گل کیتی اے رال وگ پئی اے
سچ پوچھو چوہدری جی ایہو میری را اے
مینو وی چروکناں کریلیاں دا چا اے
چوہدری جی ہووے جے کریلا چنگا پلیا
وچ ہووے قیمہ اتے دھاگا ہووے وليا
گنڈھیا ، ٹماٹراں نال ہووے تنیا
فیر ہووے گھر دے گھیہو اچ بھنیا
فیر کوئی چوہدری جی اوس دا سواد اے
پر وی پکایا سی تساں نوں یاد اے
چوہدری ۔۔۔
ھور بیبا مینو ایہندی ہر گل بھاؤندی
رحمیا کریلیاں اچ کوڑ ذرا ہوندی اے
رحماں ۔۔
دفع کرو زہر تے چریتا مینو لگدا اے
نم تے دھریک دا بھرا مینوں لگدا اے
پلے پلے دنداں جیپھ پئی سکدی
کھا مر لئے تے تریہہ نئیں مکدی
تمے دیاں گولیاں کریلیاں توں پھکیاں
ایہنا نالوں چاہڑ لو کونین دیاں ٹکیاں
No comments:
Post a Comment