دُھپاں بلدیاں وچ تاں نال رھیوسے جَداں ڈھل پئے سائے اساں یاد رھے
اساں رُل گئے شہر دی گلیاں وچ تساں بخت ہنڈھائے اساں یاد نہ رھے
بلبل تے بھنوریاں گُلشن وچ پئے گیت سُنڑائے اساں یاد نہ رھے
گیئاں کھوہ دیاں واریاں کھوہ دے وچ بھانویں نال گِڑائے اساں یاد نہ رھے
اساں روندیاں عید منا چھوڑی تساں جشن منائے اساں یاد نہ رھے
تساں دارو ساڈیاں مرضاں دے پئے لکھ ورتائے اسآں یاد رھے
تساں آپنڑے دل دی تختی تے کئ ناں لکھوائے اسآں یاد نہ رھے
اساں ٹھر کے مر گئے جھونپڑی وچ تساں بنگلے پائے اساں یاد نہ رھے
جہنوں پر آپنڑی کھبلاٹاں دے سارے مُلکھ ساہمنڑے لا چھوڑے
ساڈی قسمت ھاشمی او پنچھی جداں اوڈنڑ تے آئے اسآں یاد نہ رھے
No comments:
Post a Comment