توں نکا جیہا ہائیں تینوں پالیا ھا
تیرے مگر انیدرا جالیا ھا
سارے ملکھ دے نال ونجائی آئی
تیرے نال چا ساجھ بنڑآئی آئی
توئیں قول اقرار بھلا چھوڑے
ادے ونج کے پیار بھلا چھوڑے
گیوں یار وسار کہانڑیاں نوں
توئیں سٹیائے ساڑ نشانڑیاں نوں
میں مڑ وی یاد کریندا ھاں
بھانویں مہنڑیں روز جھلیندا ھاں
کدی لئی ھئ سر بیماراں دی
کیویں نبھدی پئی لا چاراں دی
نت روونڑ نال وپار ھوندائے
اتوں ہجر تیرے دا بھار ھوندائے
اکھیں چمدیاں ہن تصویراں نوں
نالے پڑھدیاں ہن تحریراں نوں
گل پا کے پاٹیاں لیراں نوں
رخسار توں پوجھ کے سیہڑاں نوں
کدی کھندیاں ناہن امیراں نوں
اج منگدیاں بھیک فقیراں توں
سنگتاں دے لکھ شوقین بنڑے
کئیں شہباز تے کئیں شاہین بنڑے
اوہ ڈنگ بالآخر اونڑیں ہن
توئیں کئیں توں خط لکھوانونڑیں ہن
پھل پینسل نال بناونڑیں ہن
توئیں توڑ آ سجنڑ منانونڑیں ہن
میں ساریاں تیریاں من لیساں
ضد آپنڑیں آپ دی بھن لیساں
توں ساریاں تاہنگاں سٹ آنویں
اسے عید تے واپس ہٹ آنویں
میں مردا ھاشمی مر ویساں
ایہہ زہر دوبارہ پیوونڑاں نہی.
نہ نہ تساں لگدیاں نال منیوونڑاں نہی
تساں لگدیاں نال منیونڑاں نہی
No comments:
Post a Comment