رات تے دن
رات آپنڑی ڈیوٹی توں واپس جا رہی ھوندی ھئے, رات نال دن دا راستے وچ ملاپ ہو ویندا ھئے دن آہداھائے رات نوں توں کیڈی کوجھی ہئیں کیڈی کالی ہئیں میں تاں ویکھ بڑا چمکتا دمکتا سوھنڑاں ھاں رات آھدی ھئے توں آپنڑا سفر کر
سنڑ کے دن دی گل
جدنڑ آدم دا بت خالق بنڑایا ھا تاں دن آھی
جداں سجدہ ملائکہ توں کرایا ھا تاں دن آہی
جداں پکھیاں کولوں ابراء مرایا ھا تاں دن آہی
چھری ہیٹھوں پیغمبر نوں بچایا ھا تاں دن آہی
فتح خیبر علی کولوں کرایا ھا تاں دن آہی
توں کوجھی رات کالی ہیں تیتھوں اہ لوگ ڈردے ہن
تیری آڑ اچ قتل ریزی تے چوری لوگ کردے ھن
رات دا جواب رات کے آہدی ھے
جداں سیداں نے گھر وسدا لٹایا ھا تاں کتھ ہانویں
کویلے کربلا ڈیرہ بنڑایا ھا تاں کتھ ہانویں
اداں کتھ ہانویں جداں قاسم دے سہرے رل گئے سارے
اداں کتھ ہانویں جداں اصغر نوں حرمل تیر پئے مارے
اداں کتھ ہائیں جداں اکبر دا لاشہ پئیو نے چایا ھا
اداں کتھ ہائیں جداں سید نماز اچ سر کٹایا ھا
اداں کتھ ہائیں جداں لاشاں اتے امت بھجھائے گھوڑے
اداں کتھ ہانویں جداں غازی نے دوہیئں بازو کٹا چھوڑے
تریہنہ توں بے قصوراں نے جداں فریاد کیتی ھا
توہیئں ہتھوں لب سکا چھوڑے توئیں ایہہ امداد کیتی ھا
جداں جبریل عربی نوں جگایا ھا تاں رات آہی
خدا نے عرش آپنڑیں نوں سجایا ھا تاں رات آہی
مینوں وی رب زبان بخشی ھے میں وی بول سگدی ھاں
تیرے جندرے تکبر دے میں جھٹ اچ کھول سگدی ھاں
میتھے تاں ہاشمی کیڈی خدا دی مہربانی ھے
میرا کیڈا نصیب آپنڑاں میری آپنڑیں جوانی ھے
تیری شوخی طبیعت ھے تینوں پئ ھوئی ھے دم آلی
خدا نے مینوں کیتی ھئے عطا بکل شرم آلی
میری شہرت اصولی ھے میری فطرت مثالی ھے
میری صورت وی کالی ہے
اوہدی کملی وی کالی ہے
No comments:
Post a Comment