اسیں نوکر بےتنخواہے ڈھولا
ساڈی غربت داؤں وِکھیاہے ڈھولا
جداں قول جناب نوں بھل ویسی
تُہاڈی نسل دا نوکر رل ویسی
ایہہ اُوڑک نہ کریاہے ڈھولا
ساڈی غربت داؤں وکھیاہے ڈھولا
لکھ دل مجبور نوں ٹیک ہوسی
تہاڈی ایہہ وی سئے جہئی نیک ہوسی
ساڈا بولنڑ نہ چھڑیاہے ڈھولا
ساڈی غربت داؤں وِکھیاہے ڈھولا
ڈر لگدائے چن پابندیاں توں
دھکا مار کے ڈھیر بلندیاں توں
مُونہہ بھار نہ سَٹ گھتیاہے ڈھولا
ساڈی غربت داؤں وِکھیاہے ڈھولا
مَسیں بَنڑیاں اَن سنگتاں جَتن دیاں
تُہاڈے نال ہِن رونڑقاں وطن دیاں
وسوں درد دی نہ بھنیاہے ڈھولا
ساڈی غربت داؤں وِکھیاہے ڈھولا
No comments:
Post a Comment