کتے ورگی شئے وی رکھدیاں باقی بندے نسل دی پرکھ کریندن
کیوں جوں بے نسلے بے فیض ہوندن گھٹ مالک نوں سنجنڑیندن
اساں سجنڑ بنڑا لئے تے سوچیا ای کوئی نا ایہے پئے ارمان مریندن
ہاسے کملے لج الطاف سنگت دی بد نسلے کدنڑ پلیندن
ساڈا جیونڑ جابر کس کم دا اے جڈاں سجنڑ ھن اوڈھر اکھ توں
موڈھے مار کے ھر بندا لگھ وینداۓ ھوۓ ودے ھائیں ھولے ککھ توں
اللہ پاک بچاۓ اساں پرباش ھائیں مڈھوں اس بے رحم ملکھ توں
انسان دی قیمت رھی کائی نئیں کتے وکدن پنج پنج لکھ توں
ڈھولاں دے کھڑک تے کدی نئیں گئے کتے چھوڑ کے پھوڑی سائیں دی
پوہ ماہ دیاں راتیں باہر نبھا کے راکھی وت وی کرنی سائیں دی
بھاویں دشمنڑ مکھن ویکھیندے رہین سچی کوڑی منڑی سائیں دی
کتے غیر دے تخت توں ول سمجھیندن رضوان اروڑی سائیں دی
ﺳﮱ ﺳﺎﻝ پئے ﮨﻮﻧﺪﻥ ﺯﻧﺪﮔﯽ ﺩﮮ ﺳﮑﮫ ﻧﺎﻝ ﮐﺪﯼ ﻧﮧﺳﺘﮯ
ﺍﻧﺞ ﻟﮕﺪﯾﺎﮞ ﮈﮬﯿﺮ ﺍﮐﺎﺋﯽ ﺭﮐﮭﯿﺎﮰ ﺭﮬﯿﺎ ﻣﺎﺱ ﻧﺎﮞ ﺗﻦ ﺩﮮ ﺍﺗﮯ
ﺻﺪ ﮨﺴﮍ ﮐﮯ ﺭﻭﺯ ﺣﯿﺎﺕ ﻣﺮﯾﻨﺎﮞ ﮐﺪﯼ ﻭﻟﯿﮟ ﮨﺎ ﺍﮔﻠﯽ ﺭﺗﮯ
ﮐﯿﮉﯼ ہتک ﺩﯼ ﮔﻞ ﺍﮮ ﺷﯿﺮﺩﯼ ﺟﻮﮦ ﻭﭺ ﻭﺩﮮ ﺭﺍﺝ ﮐﺮﯾﻨﺪﻥ ﮐﺘﮯ
کل تائیں تاں میرے بختاں دے دیندے آپ حوالے رہ ھن
خوشیاں دی جنج دے لوگ خوشامدی دھنگی عنف سنبالے رہ ھن
اوقات دے انے میتھوں ساری زندگی لیندے یار اجالے رہ ھن
ہرے بخت تاں اووے کتے بھوکدے ھن جہڑے کل رکھوالے رہ ھن
مینوں وکھرا کر کے فخر نہ کر تیرے ٹھیک اے لگدے ڈھیر ان
چلو سنگی کوئ نہی میں بے کس دا تیرے لگدے یار چھپیر ان
پڑ لگے تاں چانڑن تھی ویندن تیرے ذھن اچ یار انھیر ان
بھاویں نت پئےددھ تے گھیو پیون کتے کدنڑ مریندے شیر ان
ہووے شوق تے نسل دی پرکھ نہ کریئے او شوق ادھورا ہونداۓ
جیہڑا ڈگاں نوں پڑاں دا مالک سمجھے بندہ او بے نورہ ہونداۓ
کتا لازمی شیر سیاپ کرینداے جہڑا نسل دا پورا ہونداۓ
اکھی پٹنڑ توں پہلے ای گھر لے ویندن بھاویں اجنڑ کتورا ہونداۓ
انجانڑ تاں کہیں نوں ای کجھ نئیں آہدے، سداں جانڑو ای گھاٹے دیندن
سجناں دے روپ اچ لوگ مداری، سدھ نیتیاں نوں اجڑیندن
بندے کملے خطرہ زندگی دا بھئی انجے دشمن نوں سمجھیندن
کتے اپنے جدن وی لگ ویکھن، بھانڈے درد پلیت کریندن
اج منداے کونڑ غریباں دی بھانویں سر تے چین قرآن ایں
ذر مگر وپاری مطلب دے پویوں بیٹھن ویچ ایمان اے
چنگے دنھ رضوان خدا دیوے انسان تاں وت انسان اے
رتی کتے نوں ای بخت دی چمبنڑ ونجے لگ ویندا مگر جهان اے
ھوندیاں سچی نوں مرچاں سچ بولن تے اسے کانڑ تاں لوگ ولیندن
سارا ملکھ بھائیوال اے بلدی دا کداں بچھی ہووی نال بلیندن
تے ایہو ھک رضوان ارمان مرینداے جو رلے کھا بُھل بَھل ویندن
سائیں سدن تاں بھج کے پیراں ھیٹ کتے پوچھلی آنڑ ھلیندن
بھکھے رج وی پوون تاں بھکھے ای راھندن گل بات بدل نئیں ويندی
نویں کپڑے پا کے شوھدیاں دی اوقات بدل نئیں ويندی
بیلی ٹھگیاں کرن تاں دکھ لگدائے کائنات بدل نئیں ويندی
پٹہ سونے دا کتے دے گل گھتیاں اوہدی ذات بدل نئیں ويندی
کدیں ڈھیر بچاواں ٹپ ونجڑاں اج روح ولچاونڑ لگ پے
دو ٹکڑے پا کے روٹی دے اسیں پیر چٹاونڑ لگ پے
گھر پالویں رکھ کے فیصل سچ ڈھیر آلاونڑ لگ پے
ڈھٹھا انج انسان نگاواں چوں سن کتے بھاونڑ لگ پے
جیڈے گھتی اے انھیر تاں وی سنگتاں دا. ڈئیوا کدی وی سگدا بجھ نئی
بھل کائی نئی آٹے سنگتاں دے. ونڑ پانڑیوں سگدے گجھ نئی
ھک رضوان تے احسان چا کر. دشمنڑ دے پیار اچ رجھ نئی
کتے نسلی ھلکے ای ھو جاون. تاویں سائیں نوں آدھے کجھ نئی
ماڑے ھوندن سنگ بے نسلیاں دے جدوں مشکل پل آویندن
بھج ویندی اے ٹھاٹ حیاتی دی دکھ اولر کے گل آویندن
ساری گل سلطان ھی قسمت دی جدوں سامنڑے ٹل آویندن
جھاکے لونڑ تاں لسیاں کتیاں نوں مڑ لڑنڑ دے ول آویندن
کتے پاک کداں نئیں ہو سکدے لکهہ پاک کریندے وتیۓ
راہندے وت وی نجس حرامی ہن بهاویں روز دهویندے وتیۓ
کئ کئ رضوان وفادار ہوندن ہنجے کیوں جهڑکیندے وتیۓ
کئ موقع تاڑ کے وڈهہ لیندن بهاویں خون پویندے وتیۓ
سہے سائیں بنڑ وئیدن وسدیاں دے بھارے بھک دے چیندا ائیی کوئ نئیں
بھاویں بھار توں منڑکے ترٹ جاوین جاوین ساہ سجنڑ کڈھئیدا ائیی کوئ نئیں
ڈنگ ہارن تاں ہھتہ سرداراں دے بندہ ریایت دا لیندا ائیی کوئ نئیں
لگے کتے نوں بخت تاں جھولیاں چوں رضوان اٹھئیدا ائیی کوئ نئیں
No comments:
Post a Comment